اعرف عيون هى الجمال والحسن
واعرف عيون تاخد القلوب بالحضن
وعيون مخيفه وقاسيه وعيون كتير
لكن بحس فيهم كلهم بالحزن
يلى انت بيتك قش مفروش بريش
تقوى عليه الريح...يصبح مفيش
عجبى عليك حواليك مخالب كبار
وملكش غير منقار وقادر تعيش
عجبى
ضريح رخام فيه السعيد اندفن
وحفره فيها الشريد اندفن من غير كفن
مريت عليهم..قلت ياللعجب
لاتنين ريحتهم لها نفس العفن
يأسك وصبرك بين ايديك وانت حر
تيأس ماتيأس الحياه راح تمر
انا دقت من دا ومن دا عجبى لقيت
الصبر مر وبرضك اليأس مر
كرباج سعاده وقلبى منه انجلد
رمح قلبى زى الحصان ولف البلد
رجع لى نص الليل وسألنى..ليه
خجلان تقول انك سعيد يا ولد
ولدى نصحتك لما صوتى اتنبح
متخفش من جنى ولا من شبح
وان هب فيك عفريت قتيل اسأله
مادافعش ليه عن نفسه يوم ماندبح
الحب هو الوجد وصاحب الهيام
يضرب بسهم الوهم..وهم الغرام
ووهم الغرام من كتر لذته
رشقت انا فى صدرى جميع السهام
سهرت ليالى وياما لفيت وطفت
وفليله راجع فى الظلام قمت شفت
الخوف..كأنه أسد سد الطريق
وكنت عايز اقتله ..بس خفت
السبت، 30 أغسطس 2008
الاشتراك في:
تعليقات الرسالة (Atom)
هناك تعليق واحد:
حبيبى صلاح جاهين
جميله اوى
تسلم ايدك
وانا اللى سبتلى تعليق فى مدونتك على
http://tnzel.blogspot.com/
وبجد دخلت وعجبتنى اوى ومدونتك
ودى برضه مدنة بتاعتى يمكن تعجبك
http://arb-video.blogspot.com/
إرسال تعليق